За првпат во Македонија 15 лица се сертифицираа за Младински работници во рамите на унапредување на работата со млади.
Обуката за сертификација на обучувачи која заврши денес е дел од проектот „Твојот прв чекор да станеш младински работник“, кој го спроведува Коалицијата на младински организации СЕГА во соработка со партнери од Нормандија – Франција.
Обуката за сертификација на младинските работници ја спроведоа сертифицирани обучувачи од Франција.
Основна цел на проектот, беше да се обучат и сертифицираат 15 младински работници да испорачуваат комплетен почетен модул за идни младински работници, претставници од организации и институции кои работат со млади.
Во обуката беа вклучени и четворица младински работници кои работат во двата младински информативни центри во Македонија (ИНФО СЕГА во Кавадарци и Прилеп), како и 11 претставници на младински организации од цела Македонија.