Според податоците на Обединетите нации, кинеските туристи трошат најмногу пари во странство, а вкупната сума достигнала дури 292 милијарди долари.
На второ место се туристите од САД, кои потрошиле 120 милијарди долари во 2015 година.
Германските туристи потрошиле 76 милијарди долари, туристите од Велика Британија 63 милијарди, Французите 38 милијарди, а патниците од Јужна Кореа, 25 милијарди долари.
Руските туристи ја намалиле потрошувачката во странство за 30 отсто, а единствена дестинација на која оставаат многу пари е Тајланд, каде портошиле речиси две милијарди долари.
Во 2015 година Русите значително ја намалиле потрошувачката во странство, а вкупната потрошувачка за сместување, храна, забава, шопинг и останати добра и услуги во другите земји изнесува вкупно 35 милијарди долари.
Како што наведува Светската туристичка организација на ОН, Русија во 2015 година го зазела шестото место во светот по потрошувачка во странство, едно место подолу од претходната година.
