Меѓународниот монетарен фонд – ММФ најавува наскоро економски раст во Русија и економски застој во ЕУ.
Во Русија во блиска иднина ќе дојде до економски подем, наведува „Deutsche Nachrichten“, повикувајќи се на шестмесечниот извештај на ММФ за Средна, Источна и Југоисточна Европа.
Русија би можела во најскоро време да излезе од рецесија и да ја обнови тенденцијата за растот.
Тоа би можело да се случи веќе наредната година, бидејќи оваа година за тоа сеуште не е способна, проценува ММФ.
Русија е погодена од ниските цени на нафтата и западните санкции, воведени поради кризата во Украина и Крим.
ММФ за еврозоната предвидува ризик од економски застој, и покрај изненадувачки позитивниот старт на годината од економски гледна точка.
Сепак, ситуацијата во ЕУ би можела да се расипе од ограничувањата поврзани со Шенгенскиот договор, поради доаѓањето на бегалците.
