Преку администраторска блок трансакција на Македонската берза за хартии од вредност во понеделникот беа истргувани сто проценти од капиталот на Алфа банка АД Скопје на швајцарскиот фонд „Силк роуд капитал аг“ со седиште во Цирих.
Вкупно 10.305 акции со номинална вредност од 120.000,00 денари се истргуваа по цена од 7.183,70 денари. Вредноста на купопродажбата изнесуваше 74.028.028,00 денари или приближно 1,2 милиони евра.
Во редовното тргување без особени изненадувања течеше денешниот трговски ден. Прометот изнесуваше 3,8 милиони денари и се оствари преку 26 трансакции.
Пет хартии од вредност ја зголемија вредноста, три беа без промена додека губитници немаше. Индексот МБИ10 порасна за 0,40 осто, додека ОМБ остана без промена.
