„Hugo Boss“, германскиот трговец кој е симбол на модни стоки, го забележа највисокиот пад на профитот за квартал по повеќе од шест години и вели дека размислува да затвори продавници за да ги намали трошоците, пренесува „Bloomberg“.
Добивката пред камати, даноци и амортизација се намалила за 29% до 93,5 милиони евра (108 милиони долари) во првиот квартал, објави компанијата во соопштението. Сумата се покажа под прогнозата на аналитичарите анкетирани од „Bloomberg“, која беше 95 милиони евра.
Германската модна марка, позната најмногу по машката облека, не успева да се справи со забавувањето на побарувачката во Азија и со силните промоции во САД, што доведе до намалување на прогнозата за најзината добивка и што го чинеше и местото на поранешниот извршен директор Клаус-Дитрих Ларс. Компанијата најави дека планира да ги затвори продавниците во кои продажбата бележи пад. Покрај тоа, ќе заштеди дополнителни 50 милиони евра во оваа година, како предоговори на кириите на други продавници, задржувајќи го фокус на маркетингот.
Продажбата на компанијата во САД за првиот квартал се намали за 16%, додека онаа во Кина забележа пад од 11 отсто. Во Европа приходите паднаа за 2% поради помалиот број туристи, особено во Франција и Белгија, објави „Hugo Boss“.
Акциите на компанијата скокнаа за 0,2% на берзата во Франкфурт, но во последната година загубија половина од својата вредност.
Во прилог на превирањата во управувањето, минатиот месец компанијата го замени главниот бренд менаџер Кристоф Аухаген со ветеранот Инго Вилтс. Последниот ќе се врати во „Hugo Boss“ на овој пост од 1-ви ноември, напуштајќи го „Tommy Hilfiger“.
Од „Boss“ ја потврдија прогнозата за низок едноцифрен раст на приходите од продажба во оваа година на приспособена основа, како и за низок двоцифрен пад на добивката пред камати, даноци и амортизација. Бруто добивка се очекува да остане непроменета во однос на минатата година.
