Денеска со почеток во 19.30 часот, во малата сала на НУ Центар за култура „Трајко Прокопиев“ – Куманово концерт ќе одржи дувачко трио од Скопје.
Триото го сочинуваат: обоа, кларинет и фагот со солисти од Оркестарот на МОБ. Членови на триото се: Татијана Петрушевска (обоа), Игор Бакревски (кларинет) и Марјан Милошевски (фагот).
Ова трио е оформено како резултат на долгогодишна соработка на членовите во Оркестарот на МОБ. Целта е да се развие концертна дејност како ансамбл, вон активностите во оркестарот. На програмата ќе бидат изведувани дела од светски композитори, а посебен акцент ќе се стави на изведување премиерни дела и дела од Македонски композитори. Во својата активност како инструменталисти забележуваат и соло-рецитали, концерти со други камерни ансамбли и соработка со повеќе професионални оперски куќи,симфониски оркестри во Македонија и во странство.
На програмата се Paul Pierne – ,,Bucolique Variee’’, Lj.Brandjolica-Suita од балетот „Дубровничка легенда“, J.Ibert- Пет пиеси за трио и H.Tomasi – „Concerte Champetre”.
