Екипата на Реал Мадрид вчера беше поразена на натпреварот од Лигата на шампионите против Галатасарај со 3:2, но интересно е што „кралевите“ мораа на оваа средба да играат во дресови на кои немаше реклами.
Со оглед дека рекламирањето на странски обложувалници во Турција е забрането, фудбалерите на Реал на дуелот со Галатасарај мораа да носат дрес без логото на нивниот главен спонзор, обложувалниците „Bwin“.
Ова не е првпат екипите во Турција да мораат да ги симнат рекламите од нивните дресови, а тоа пред 11 години мораше да го стори и Севилја која играше против Фенербахче.
