Фокусот на инвеститорите денес беше насочен кон акцијата на НЛБ Тутунска банка АД Скопје, која оствари вкупен промет од 2,8 милиони денари со истргувана количина од 380 акции преку 8 трансакции. Цената на акцијата на затворање на денот беше 7.400 денари.
На дневната листа на добитници најголем раст имаше акцијата на Охридска банка АД Скопје со просечна цена од 2.364,93 денари и раст на вредноста од 5,11 проценти.
Наспроти неа, листата на губитници ја предводеше акцијата на Витаминка АД Прилеп со истргувани вкупно 4 акции, и пад од 5,16%. По неа следеа акциите на Алкалоид АД Скопје со истргувана количина од 15 акции и пад од 1,90 проценти и Комерцијална банка АД Скопје со истргувани 300 акции и пад од 1,80 отсто.
МБИ-10 забележа пад од 0,86 отсто и заврши на 1.757,90 индексни поени, а индексот ОМБ после подолго време бележеше минимален раст од 0,50 отсто и заврши на вредност од 128,86 индексни поени.
