Ликот на Харијет Табман, американска активистка за укинување на ропството од 19-тиот век ќе се најде на банкнотата од 20 долари и ќе им се придружи на великаните како Џорџ Вашингтон, Абрахам Линколн и Бенџамин Френклин кои се наоѓаат на американските банкноти.
Ќе биде тоа прв пат лик на една црна жена да се најде на американска банкнота, како и прв пат за последните сто години на американска банкнота да се најде лик на жена.
Американскиот министер за финансии Џек Лу објави дека портретот на Табман ќе се најде на предната страна на банкнотата, додека на задната страна ќе биде портретот на Ендру Дексон, седмиот американски претседател.
Министерот Лу се откажа од претходната намера да го тргне Александар Хамилтон, првиот министер за финансии на САД од банкотата од 10 долари и да го замени со женски лик.
