Цената на златото за меѓународните стокови берзи во првиот овогодишен квартал забележа раст од 17 проценти, што е најсилниот квартален раст во последните три децении.
Силниот раст е поттикнат од намалувањето на загриженоста за растот на светската економија, финансиската стабилност на брзорастечките пазари, спроведувањето на политиките на негативни каматни стапки, запирањето на зајакнувањето на доларот во однос на кошницата валути како и силната инвестициска побарувачка за злато со нагорен тренд на цените, велат аналитичарите на RBA.
Ова утро цената на златото беше на ниво од 1232,3 долари за унца.
