Во следните два месеци, меѓународните возови од Македонија, кон Белград нема да сообраќаат, соопштија Македонски железници, поради работи на пругата.
Меѓународните возови број 335/334 и 337/336 на релација Белград – Скопје и обратно, од понеделник, 18 април до 18 јуни 2016 нема да сообраќаат, соопшти Македонски железници Транспорт а.д. Скопје.
Двомесечниот прекин на сообраќањето на возовите е поради извршување градежни работи на железничката линија на територијата на Србија, на делницата Ниш – Прешево – државна граница на Република Македонија.
