Исмаил Мулети, еден од најголемите бизнисмени во Албанија кој е близок на опозициската Демократска партија, е меѓу главните познати личности од албанскиот бизнис кои се вмешани во скандалот Panama papers, јавуваат албанските медиуми.
Медиумите во Тирана информираат дека Мулети, кој ја има главната компанија за маркирање на албанските нафтени деривати, е еден од главните албански босови кои имаат пари во Панама.
Истите извори наведуваат дека тој е само еден од оние кои се на листата на скандалот Панама, бидејки во него има и познати албански политичари. Мулати главните финансиски трансакции ги има направено во деведесеттите години од минатиот век кога на власт беше поранешниот лидер на десницата, Сали Бериша, додаваат албанските медиуми.