Последниот трговски ден со право на дивиденда за 2015 година кај акцијата на Комерцијана банка АД Скопје во понеделникот на Македонска берза (МБ) донесе промет од над 4,5 милиони денари и вкупен број од безмалку 2000 истргувани акции.
Доминантно беше учеството на прометот со акцијата на КМБ. Денот заврши со вкупно 47 реализирани трансакции и пад на индексот МБИ10 за 0,18 отсто и изнесуваше 1.782,41 поени, додека, пак, ОМБ не ја промени својата вредност.
Меѓу „милионерите“ според реализираниот промет се најде и акцијата на Стопанска банка АД Скопје, со истргувани 2.430 акции по просечна цена од 415 денари и раст на цената од 1,01 проценти
Алкаклоид АД Скопје го објави дивидендениот календар, како и ревидираните финансиски извештаи на Друштвото. Последен датум на тргување со право на дивиденда е 19.04.2015, додека износот на бруто дивиденда изнесува 230 денари, односно нето 207 денари.
На 1-ви април 2016 година, СЕЕ Линк почна со калкулација на првите два берзански индекси за регионалните пазари SEELinX и SEELinX EWI.
Индексите се составени од акциите на 10-те најактивно тргувани регионални компании кои котираат на Хрватската, Бугарската и Македонската берза. Од МСЕ во составот на овие индекси влегуваат акциите на Алкалоид АД Скопје и Комерцијална банка АД Скопје.