Бруто домашниот производ (БДП) во Црна Гора, минатата година изнесувал 3,59 милијарди евра, што е за четири отсто повеќе во однос на претходната година, покажуваат прелиминарните резултати.
„БДП во минатата година, во однос на 2014 година, номинално е зголемен за четири отсто. Тоа значи дека во минатата година се создадени дополнителни вредности за 138 милиони евра“, рече во четвртокот директорката на заводот за статистика Монстат, Гордана Радојевиќ.
„Просечната плата без придонеси во февруари во Црна Гора изнесуваше 491 евро и беше за 0,2 отсто поголема во однос на јануари“, објави Монстат.
