Нискобуџетниот авиопревозник „easyJet“ во месец март пренесле 5.3 проценти повеќе патници отколку во истиот месец од минатата година, соопшти прес-службата на компанијата.
Минатиот месец нејзините услуги ги искористиле 4.873 милиони лица за разлика од 4.629 милиони патници од пред една година. Во март биле продадени 90.5 проценти од местата во авионите на компанијата, додека во истиот месец во 2012-та година биле пополнети 88.8 отсто од седиштата, покажува статистиката на компанијата.
Компанијата летала 600-пати меѓу 130 аеродроми во 30 земји.
