Чешкиот претседател Милош Земан и кинескиот лидер Си Џинпинг, кој е во официјална посета на Прага, потпишаа договор за стратешко партнерство меѓу двете земји.
Документот предвидува меѓу нив да се утврдат приоритетните односи во трговско-економската и финансиско-инвестициската област, а исто така и во хуманитарната сфера.
„Само оваа година кинеските инвестиции во економијата на земјата ќе достигнат 95 милијарди круни (околу 4 милијарди долари)“, изјави Земан пред новинарите.
Според него ќе се зголемат и чешките инвестиции во кинеската економија, автомобилскиот концерн „Skoda“ ќе инвестира околу 2,4 милијарди долари во Кина во следните 5 години.
„Би сакал Чешка да стане вратата кон ЕУ за Кина“, истакна Земан.
Помеѓу двете земји беа потпишани и меморандуми за соработка во индустријата, транспортот, здравството и образованието.