Суровините, како бакарот и нафтата, се подложени на сериозен ризик од оштетување по неодамнешното поскапување кое не е оправдано на база на фундаменталните фактори, коментираат од британската финансиска институција „Barclays Plc“.
Според аналитичарите на банката, бакарот може да поевтини до 4.000 долари за метрички тон во однос на нејзината ниво на трговија при 4.945 долари на крајот на минатата недела. Во однос на нафтата очекувањата се дека таа може да се намали повторно кон нивоа од малку над 30 долари.
„Инвеститорите се привлекуваат од тоа, дека суровините се едни од најдобрите претставници во инвестициските класовни активи од почетокот на годината“, пишува аналитичарот Кевин Нориш во писмо до клиентите на банката. „Во услови на недостаток на конкретни фундаментални фактори сепак, ова зголемување едвај ќе се повтори во вториот квартал на годината. Слабоста во цената пак може да иницира бран на затворање на позициите од страна на инвеститорите“, прогнозира Нориш.
Нафтата и бакарот се обновија сериозно по повеќегодишните дна во јануари, а во голема мера тоа се должи на сериозниот поток од средства насочени од инвеститорите кон суровините.
Над 20 милијарди долари се вложени во суровините во првите два месеци од годинава, што е рекорден старт на година од 2011-та година. Инвеститорите повеќе заземаат краткорочни, а не долгорочна позиции, смета уште Нориш. Тоа ги прави суровините подложни на идни шокови, заклучува тој.
Нето долгите позиции на инвеститорите во бакарот се зголемија до 27.862 договори во овој месец, што е највисоко ниво од мај минатата година, според податоците на комисијата за тргување со фјучерси. Кај нафтата нето долгите договори се 235.830, или најмногу од јуни наваму.
