Јапонскиот производител на електроника „Sony“ планира претставување на нова помоќна конзола „PlayStation 4“ пред октомври, според извори на весникот „the Wall Street Journal“.
Со новата конзола „PlayStation 4.5“ корисниците ќе можат да играат игри во 4К формат, а за таа цел ќе се одликува со подобрена графичка картичка. Благодарение на новата картичка, ќе се подобри графичко претставување на конзолата, коментираат изворите на американското издание.
Во моментов игрите со конзолата „PS4“ може да се играат само на уреди со резолуција од 1.080 пиксели, што е околу една четвртина од 4К-резолуцијата.
Презентацијата на новата конзола пред октомври се вклопува со планираното деби на уредот за виртуелната реалност „PlayStation VR“, токму во десеттиот месец од годината, наменет да работи во комбинација со конзолата „PS4“.
Според изданието „WSJ“, гејмерите ќе можат да играат исти игри и на двете конзоли (старата и новата). Овие сепак, кои сакаат „подобро искуство“, ќе треба да се насочат кон новата верзија.
