Повеќе од 150 летови од Лондон и кон аеродромите Гетвик и Хитроу се откажани во понеделник заради бурата Кети, проследена со силен ветер што го погоди југот на Англија.
Заради силните ветришта што ги предизвика бурата Кети, летовите доцнат, а некои денеска се откажани“, објавија одговорните на аеродромот Хитроу.
Прогласен е портокалов степен на тревога заради силниот ветер, а налетите на ветерот достигнуваа и брзина од 170 километри на час.
Затворен е сообраќајот на мостот на реката Темза, како и мостот што ги поврзува Англија и Велс.
Бурата Кети остави без струја најмалку 2000 домаќинства во период од еден час во окрузите Сасекс, Сури и Кент.
