“Netflix” вреди 40 милијарди долари, акциите на “McDonald’s” вредат 109 милијарди, а “Google” и “Amazon” заедно достигнаа цена од 747 милијарди долари, според најновите објавени пресметки на “Bank of America” и “Merrill Lynch”.
Вредноста на некои од најголемите компании можат да се споредуваат со вредноста на акциите на берзите на некои земји во светот.
Така на пример, “Adobe” вреди 42 милијарди долари, отприлика колку што е вредноста на полскиот пазар на хартии од вредност. “PayPal” пак вреди колку сите акции на турската берза.
“Intel” со 140 милијарди долари вреди колку цела мексиканска берза, додека “McDonald’s” со 109 милијарди долари е моќен колку рускиот пазар на акции, “Mastercard” е за две милијарди долари помоќен од берзата во Индонезија, а “Google” и ”Amazon” се само шест милијарди долари помалку вредни од целокупниот пазар на хартии од вредност во Кина.
