Договор за финансирање на проектот за изградба на водовод во село Никиштани потпиша во петок Министерот за животна средина и просторно планирање Нурхан Изаири и градоначалникот на општина Ѓорче Петров, Сокол Митровски.
Со потпишувањето на овој договор започнува да се решава проблемот со питка вода за населението во единственото село од општина Ѓорче Петров во кое нема изградено водоснабдителна мрежа.
Средствата во висина од три милиони денари се обезбедени преку Програмата за инвестиции во животната средина за 2016 година, а останатите средства неопходни за целосна реализација на проектот ќе ги финансира општината.
