Руската влада не планира да ја приватизира најголемата домашна банка, „Сбербанк“, во 2016-та година, изјави потпретседателот на руската влада Аркадиј Дворкович.
Според неговите зборови, руските власти планираат да го продадат сопственичкиот капитал во неколку водечки државни компании во 2016-та година, меѓу кои се и нафтените компании „Росњефт“ и „Басњефт“, траспортната компанија „Совкомфлот“ и производителот на дијаманти „Алроса“.
„Нашиот план е да стартуваме оваа година“, вели Дворкович, додавајќи дека продажбата на државниот удел во „Сбербанк“ во 2016-та година, „не доаѓа во предвид“.
Владата во Москва, според неговите зборови, го подготвува пазарот за низа трансакции.
„Имаме листа на компании во кои можеме да продадеме удел. Меѓу нив се и статешки компании. Не станува збор само за компании во финансискиот сектор, туку и за фирми во секторите на логистика, нафтата и некои други области од економијата“, истакнува Дворкович.
Рускиот министер за економски развој Алексеј Уљкајев изјави вчера дека се мали изгледите за приватизација на државните активи пред летото следната година.
