Активноста во производниот сектор во Јапонија се забавува во март, а индексот на менаџерите на договорите (PMI) го достигнува најниското ниво за последните три години.
Прелиминарните податоци на приватната истражувачка компанија „Markit“ и „Nikkei“ покажуваат дека мерачот се намалува од 50,1 поени во февруари до 49,1 поени во март.
Покрај тоа резултатите покажуваат дека секторот се стеснува. Секоја вредност под 50 поени зборува за контракција, а над 50 – за експанзија.
Прогнозите на аналитичарите беа за вредност од 50,5 поени.
Претходниот пат кога сектор забележа намалување беше во април минатата година, а последното највисоко ниво беше 56,6 поени во јануари 2014-та година.
Ејми Браунбил, економист во „Markit“, наведува дека и производството, и новите нарачки се намалуваат.
„Ова укажува дека индустриското производство ќе продолжи да се намалува. Една од главните причини за падот е намалувањето е побарувачката во странство, а за новите нарачки за извоз се предвидува најостро намалување по повеќе од три години“, вели таа.
