Победата на Доналд Трамп на американските претседателски избори е еден од 10-те најголеми економски ризици во светот, смета „Economist Intelligence Unit“ (EIU).
Се проценува дека Трамп ќе ја дестабилизира светската економија, што е заклучено врз основа на неговите ставови во врска со повеќе трговски договори. Исто така, победата на Трамп неповолно ќе влијае и на безбедносната слика на САД, но и на светот, што директно влијае на економијата.
Интересно е тоа што ризикот кој го претставува Трамп како претседател на САД е поголем од ризикот кој со себе го носат вооружените судири во Јужно-кинеското море и напуштањето на Британија на Европската унија.
Сепак, „EIU“ смета дека Трамп нема шанси во евентаулната пресметка со Хилари Клинтон на претседателските избори.