Американската економија од легализацијата на канабисот до 2020 година ќе го зголеми приходот на 44 милијарди долари.
Економскиот принос на „канабис-индустријата“ во САД за 2016 година се проценува на 14 до 17 милијарди долари.
Канабисот станува голем економски фактор, нагласуваат експертите.
Проценката на влијанието на оваа индустрија на економијата на САД ги вклучува приходите на компаниите кои произведуваат канабис или производи на база на канабис, потоа надоместоците за издавање на дозволи, данокот за марихуаната во туристички цели, како и други фактори.
Проценката за заработката е врз основа на досегашната продажба на медицинска и рекреативна марихуана.
За секој долар кој ќе го потроши купецот на марихуана, економскиот раст во САД изнесува три долари, пренесуваат бизнис порталите.
