Дебарското здружение на сточари „Даши“ информираше дека во четвртокот биле продадени првите три илјади јагниња за Италија.
Претседателот на здружението, Скендер Аме вели дека оваа сезона сточарите од дебарско и Жупа, се очекува да продадат над 20 илјади јагниња и тоа за странските пазари.
Јагнињата ги откупуваат фирмите „Горни Полог“ од Гостивар и „Стокопромет“ од Скопје, а цената на еден килограм жива мера изнесува 155 денари. Сточарите не се задоволни од цената бидејќи минатата година цената била повисока за 30 денари , но како што велат немаат друго решение.
Претставниците на фирмите кои вршат откуп нагласуваат дека јагнињата од дебарско и Жупа имаат висок квалитет на месо и се барани многу во Италија.