Доколку најновите гласини се точни „Google“ моментално размислува за купувањето на „WhatsApp“ и тоа за договор кој би бил вреден една милијарда долари. Преговорите најверојатно започнале пред четири или пет недели, а според изворите кои ја пренесуваат веста „WhatsApp“ „игра грубо“ и инсистира на многу висока цена за која „Google“ би ги купил.
Ако може да се верува на нивните извори, таа цена моментално е близу милијарда долари. „WhatsApp“ има многу голема популарност кај корисниците на паметни телефони, па така за „Google“ купувањето на оваа апликација ќе биде многу паметна аквизиција. Ова би можело да биде и еден вид на одговор на превземањето на „Facebook“ на „Instagram“. Како 2012-та година беше година за апликациите за делење на фотографиите се очекува 2013-та година би можеле да доминираат апликациите за размена на пораки на друштвените мрежи.
