Промоција на монографијата „АРМ – 12 години амбасадор на мирот“ ќе се одржи во четврток напладне во Музејот на македонската борба.
На промоцијата ќе присуствува и ќе се обрати министерот за одбрана на Република Македонија, Зоран Јолевски.
Монографијата го одбележува 12-годишниот придонес на Армијата на Република Македонија кон Авганистан, кој беше заокружен во рамките на мисијата ИСАФ, а кој продолжува и денес во рамките на Одлучна поддршка.
Во рамките на промоцијата, во Музејот е претставена и изложба на фотографии од учеството на Армијата на Република Македонија во мисијата ИСАФ. Воедно, Воениот оркестар ќе одржи и получасовен концерт.
