Белгиските санитарни служби воведоа забрана за продажба на лазањи со месо од дивеч во рестораните на шведскиот ланец супер-маркети „Икеа“, откако во некои од земените примероци биле откриени парчиња свинско месо.
Според претставник на „Икеа“, станува збор само за една пратка со лазањи, но поради превентивни причини воведена е целосна забрана за продажба.
Тој потенцира дека во спорните примероци на лазањи, кои биле произведени од шведска фирма, од вкупното количество на месо на свинското отпаѓале само 1,4 проценти.
На почетокот на годинава во говедски ќофтиња што се служеа во кафетериите на „Икеа“ во Белгија беше откриено коњско месо, а нешто подоцна во торти од бадем беше утврдено присуство на бактерии кои предизвикуваат цревни заболувања.
