Сообраќајот на патните правци низ државата се одвива по наместа влажни коловози. Слаб снег провејува на планинскиот премин Буково. Интензитетот на сообраќај на патните правци надвор од градските средини е умерен. На граничните премини нема подолги задржувања за влез и за излез од државата.
Според информација добиена од ДЦС МВР, во вторник, со почеток во 12:00 часот, од страна на Здружението на оризопроизводители „Бело Злато“, ќе се изврши блокада на магистралниот пат Кочани – Штип, во с.Облешево.
На патниот правец А3 обиколница Битола-Ресен поради свлечиште патот е во прекин во двата правци. Како алтернатива, сообраќајот е пренасочен преку градот Битола.
Општинскиот пат с. Долни Полог-с.Облешево пред Кочанска река е во прекин поради прекопан коловоз и е направен канал за одводнување на надојдена атмосферска вода од врнежи на дожд.
На патниот правец Р1404 Марвинци – Балинци – Брајковци,под надвозникот кај клучка Марвинци поради излевање на каналите има вода на коловозот. Од АМСМ со препорака за користење на алтернативен патен правец Удово – Валандово – Гевгелија и обратно.
Од АМСМ со информација до возачите дека уште денес трае законската обврска за задолжително поседување на зимската опрема во возилата.
