Координативното тело за управување со кризи, по најавите за можни обилни врнежи од дожд, упатува препораки до локалните власти будно да ја следат состојбата.
Посебно препорачуваат до градоначалниците да ги стават на готовност сите расположливи ресурси, да ги мобилизираат кризните штабови, да ги информираат месните заедници за можно невреме, континуирано следење на водостојот на реките, а возачите навреме да се информираат за состојбата на патиштата.
„Надлежните институции се во постојана координација и комуникација се со цел благовремено да се преземат превентивни мерки за избегнување од евентуални несакани последици“, се вели во соопштението на Министерството за транспорт и врски.
