Грција оваа година очекува рекордни 27,5 милиони туристи и 15 милијарди евра во државната каса.
Според зборовите на претседателот на Асоцијацијата на грчките туристички агенции Андреас Андреадис, очекуваниот раст на странски туристи не се однесува на целата земја, бидејќи некои туристички дестинации се преполни со бегалци.
Асоцијацијата смета дека, доколку оваа прогноза се потврди, тоа ќе биде четврта по ред рекордна година во туристичкиот сектор.
Грција минатата година ја посетија 23,5 милиони туристи, а приходите изнесуваа 12 милијарди евра.
