Таканречената балканска бегалска рута, главниот премин за мигрантите кон северните европски држави, ќе остане трајно затворена, истакна австриската министерка за внатрешни работи Јохана Милк-Лајтнер за германскиот весник Die Welt од четвртокот.
Во средата Македонија ја затвори границата со Грција за илегалните мигранти, откако претходно Словенија, Хрватска и Србија најавија построги мерки за влегување на мигрантите на териториите на нивните држави, и откако кај преминот Табановце на македонско-српската граница останаа блокирани околу илјада бегалци.
„Мојата позиција е јасна: Балканската рута останува затворена, и тоа трајно“, порача австриската министерка за внатрешни работи Јохана Микл-Лајтнер.
Додаде дека така јасен и цврст сигнал ќе ги одврати мигрантите од тоа од Турција да минуваат кон европските брегови. Микл-Лајтнер смета дека таквата одлука дава одлучен придонес за зачувување на стабилноста и редот за луѓето во Европа.
Таканаречената балканска рута преку којашто изминатиот период во Европа влегоа повеќе од милион мигранти, затворена е од полноќ во средата, а земјите коишто ги опфаќа ќе ги пропуштаат само мигрантите кои ќе побараат азил или имаат валидни документи.