По понеделничката објава од страна на Тетекс за исплата на дивиденда од 100,00 ден бруто по акција, резултатот од тргувањето на Македонската берза во вторникот беше раст на цената од 9,88 отсто.
Конкретно, беа истргувани 27 акции по цена од 723 денари.
Индексот МБИ-10 во вторникот заврши во минус за 0,45 отсто и затвори на 1.798,35 индексни поени.
На врвот на губитничката листа се најде акцијата на Макпетрол АД Акопје, со пад од 4,40 отсто.
Прометот изнесуваше приближно 4,1 милиони денари во кој процентуално најголемо учество зема акцијата на Комерцијална Банка АД Скопје со вкупен промет од 920 илјади денари.
За обврзниците во вторникот не постоеше никакава заинтересираност кај инвеститорите, па така тие изостанаа од дневната листа.
Вкупно се тргуваше со 18 хартии од вредност од кои 6 имаа пад на цената, 9 хартии имаа пораст на вредноста, додека 3 хартии не ја променија вредноста.
