Првиот трговски ден за оваа трговска недела заврши со благ пораст на двата индекса.
Конкретно, МБИ10 порасна за 0,14 отсто од својата вредност и заврши на 1.806,40 индексни поени, додека ОМБ заврши со раст од 0,54 проценти, при релативно скромен промет од 3,2 милиони денари.
Обврзниците учествуваа со 13 отсто во вкупниот промет, а се тргуваше со обврзниците од денационализација РМДЕН14 и РМДЕН08.
Кај акциите најбарана беше акцијата на Алкалоид АД Скопје со промет од 889 илјади денари, а веднаш по неа следеа акциите на Комерцијална и Охридска Банка.
Соодноост помеѓу добитниците и губитниците беше во полза на добитниците, односно 13 наспроти 4, додека 4 хартии од вредност немаа промена на вредноста.
Најголем пораст забележаа акции на ЗК Пелагонија и Витаминка Прилеп, додека губитници на денот се Топлификација АД Скопје и Тутунска Банка АД Скопје со пад од 4,31, односно 0,53 отсто.
Објави на финансиските извештаи во понеделникот имаа Реплек АД Скопје, Тетекс АД Тетово, Струмичко поле АД и ГД Тиквеш АД Кавадарци.