Локалните власти во Дебар започнаа во двете главни дебарски улици да засадуваат декоративни дрвја.
Старите дрвја кои беа засадени пред шест декади се дотраени и сега тие се заменуваат со ново декоративни дрвја.
Оваа активност е дел од Проектот Дебарско шеталиште, каде што веќе се засадија над 60 декоративни дрвја, додека над 150 ќе се засадат на главната улица 8 Септември каде се градат новите тротоари.
Градоначалникот Ружди Лата изјави дека оваа активност ја реализира локалната власт во партнерство во бизнис секторот но и дебарските иселеници во САД.
За проектот дебарско шеталиште и проектот изградба на нови тротоари на улицата 8 Септември чија висина на реализација изнесуваше над 1,5 милиони евра, локалната власт има потрошено околу 400 илјади евра, додека другите средства се обезбедени од донации на бизнис секторот, населението и дебарската дијаспора.
