Авиокомпанијата „Emirates“ изврши лет, кој се смета за најдолгиот комерцијален лет без застанување. Тој е извршен со „Ербас А380“ и бил од Дубаи до Окленд или вкупно 14.200 км. Со ова се надминува постигнувањето од 2014-та година на „Qantas“ за лет од 13.800 километри меѓу Сиднеј и Далас, соопштува британското издание „Гардијан“.
Новиот рекорден лет се смета и за најдолгиот во историјата – патниците требало да поминат во авионот 17 часа и 15 минути по спротивната рута – од Окленд до Дубаи.
Весникот посочува дека сепак овој рекорд ќе има краток животен рок, бидејќи „Emirates“ планираат подоцна во текот на месецот да започне со летови по трасата Дубаи-Панама Сити, кои ќе траат 17 часа и 35 минути.
Превозникот го нарекува летот еден од најдолгите во светот од гледна точка на растојанието, но додаваат дека со помош на технологијата и доброто планирање, патниците стигнуваат до саканата дестинација за што е можно пократко време.
Од компанијата дополнуваат дека исто така ќе користат различни правци за оние долги летови со искористување на насоката и силата на ветровите во соодветниот ден, за да го намалат времето за пристигнување.
Првиот лет меѓу Дубаи и Окленд е со „А380“, но понатаму по трасата ќе се лета со „Боинг 777“.
Министерот за транспорт на Нов Зеланд објави дека овој лет го скратува за три часа досегашното патување меѓу двете дестинации и го подобрува поврзувањето на земјата со останатиот свет.
Директните летови ќе ја поттикнат трговијата, но и туризмот меѓу двете земји, смета тој.