Нова Љубљанска банка (NLB) во минатата година имала 62,3 милиони евра чиста добивка по платените даноци, што е над деловниот план, објави денес најголемата словенечка банка.
Во последните две години најголемата банка во Словенија, која е во стоотстотна сопственост на државата, работеше позитивно, откако целосно ја докапитализира државата и го откупи делот на лошите побарувања префрлувајќи ги во таканаречена лоша банка.
И лани продолжи трендот на намалување на ненаплатливите кредити, односно лошите побарувања на NLB, кои минатата година во кредитното портфолио на банката изнесуваа 19,3 отсто, а во 2014 година изнесуваа дури 25,1 отсто.
Исто така, NLB лани значително го намали уделот на нестратешки инвестиции со што си смали ризиците од работењето.
Според договорот на словенечката влада и на европската комисија, НЛБ до крајот на 2017 година треба да биде приватизирана.
