Во првото тримесечје по одвојувањето од „HP Ink.“, американскиот „Hewlett Packard Enterprise“ ги надмина очекувањата на аналитичарите и покрај падот во приходите и добивката.
Во трите месеци до крајот на јануари профитот се намалува од 547 до 267 милиони долари (244 милиони евра) на годишно ниво, објави компанијата во четвртокот, по крајот на берзанското тргување. Приходите се намалуваат за 3% до 12,7 милијарди долари.
Силниот долар кој ги собира приходите од странство, кога се претвори во американска валута, е значително оптоварување за балансот на компјутерскиот гигант. Без девизните ефекти приходите би се зголемиле за четири проценти. На „Wall Street“ се очекуваа послаби резултати.
Групацијата, исто така даде охрабрувачки прогнози за остатокот на финансиската година. Компанијата предводена од Мег Витман очекува за 2016-та година добивка во опсег од 1,85 до 1,95 долари за акција. Тие забележаа раст за 6,4% до 14,47 долари во последната берзанска сесија.
Гигантот од Силиконската долина, „Hewlett-Packard“, се раздели во ноември, за да им помогне на своите дивизии одделно да земат повисок раст. Бизнис услугите сега се во рамките на „Hewlett Packard Enterprise“ (HPE). Бизнисот со персонални компјутери и печатари продолжува да е под капата на „HP Inc.“.
„HP“ која е помала компанија од двете по пазарна оценка, ги претстави податоците на крајот на февруари. Таа тврди дека приходите од продажбата во кварталот што заврши во јануари, достигна 12,2 милијарди долари, одговарајќи на просечната прогноза на аналитичарите. Приспособениот профит бил 36 центи по акција, повторно во согласност со прогнозите.
