Бразилскиот БДП забележа најлош пад од било која економија во развој во 2015 година – 3,8 проценти, се наведува во податоците на Националната агенција за статистика на земјата IBGE.
Економскиот раст во седмата земја, според големината на економијата, опадна жестоко во текот на последните месеци. Една од причините е политичката парализа која ги спречува бразилските обиди да се избори со економските проблеми меѓу кои е и дефицитот на буџетот кој изнесува 10,8 проценти од БДП.
Претседателката Дилма Русев се обидува да ги спречи обидите на опозицијата да ја обвини за наводни неправилности во сметководството. Постојат сомневања и за подмитување и корупција во врвот на државата кои се поврзани со големите проекти за изградба.
Претходникот на Дилма, Луиз Инацио Лула да Силва е еден од луѓето кои се под истрага. Поради сето тоа во Бразил го нема оптимизмот кој постоеше во 2000 година.
Бразил е во најлоша економска состојба од 1990 година. Аналитичарите велат дека Бразил сега е жртва на класична стагфлација – спој на висока инфлација и рецесија.
Од останатите држави од оваа група, Индија и понатака зајакнува, додека Кина забави со растот, а многу економисти велат дека состојбата во таа земја е многу полоша од тоа што кинеските претставници го претставуваат во јавноста. Русија е во слична ситуација како и Бразил, додека Јужноафриканската Република забележа мал пораст од 1,3 проценти.