Изградбата на третиот аеродром во Истанбул се одвива според планираниот тек, а моментално на тој мега проект работат близу 13.000 работници од 15 држави од целиот свет.
Првиот дел од идниот најголем аеродром на светот ќе биде отворен во февруари 2018-та година. За големината говори и сликата од птичја перспектива, а првиот дел од аеродромот ќе има капацитет од 200 милиони патници годишно.
Во следниот период најголемите работи во изградбата на аеродромот ќе ги извршуваат и до 30.000 луѓе.
Станува збор за проект вреден 10,25 милијарди евра и аеродром кој според својата форма и содржини ќе биде мал град и ќе има годишен капацитет од 150 милиони патници.
Паркинг простор за 500 авиони и 70.000 возила, шест писти и 12 такси патишта се само некои од неговите содржини во изградбата на просторот од 76,5 милиони метри квадратни.
Локалните власти и изведувачите на работите особена грижа водат и за заштитата на околината, па секое стебло се пресадува на друга локација во Истанбул, а најавено е и засадување на по пет садници за секое старо стебло. Секое пресечено дрво се заведува во евиденцијата и поради тоа е најавено садење на повеќе од 10 милиони садници на различни локалитети во Турција.
