Обновата на индустријата во еврозоната го забавува своето темпо. Во февруари претпријатијата го предвидоа доцнењето на растот во производството, нарачките, вработувањето и извозниот бизнис, станува јасно по објавената конечна верзија на студијата на „Markit“ меѓу 3.000 фирми.
„Расте загриженоста дека 2016-та година ќе биде уште една година со притаен раст на економијата, дури може да има и пад“, појаснува главниот економист на „Markit“ Крис Вилијамсон.
Вкупниот финален индекс на менаџерите на договорите (PMI) во производството и услугите опаѓа за 1,1 до 51,2 поени, над првичните очекувања за 51 поени, но до најниско ниво од една година. Сепак барометарот останува на ниво над 50 поени, што дели проширувањето од намалувањето.
Поради ниските цени на нафтата и силната конкуренција, цените на купувања на менаџерите по налозите се паднати до најниско ниво од јуни 2009-та година. Истовремено цените на продажбата се намалиле до најниското ниво од средината на 2013-та година.
„Се очекува притисокот над Европската централна банка за брза и агресивна интервенција да се зголеми за да се спречи нов економски пад“, изјави Вилијамсон.
Во февруари потрошувачките цени биле за 0,2 отсто под нивото од пред една година. ЕЦБ смета дека цените се стабилни при инфлација од малку под 2%. Се очекува на состанокот во почетокот на март банката да донесе одлука за нови мерки за поддршка на конјуктурата.
Во периодот меѓу 2007-ма и 2016-та година просекот на производство „PMI“ индекс е 49,92 поени, достигнувајќи рекорден врв во февруари 2011-та година до 59 поени, како и рекордното дно од 33,50 поени во февруари 2009-та година.
Индексот на „Markit“ се базира на месечно истражување во кое се вклучуваат внимателно избрани компании, репрезентативни за состојбата на приватниот сектор во економијата. Тие ги следат промените во пет области, секоја од нив има соодветната тежина во вкупниот индекс – производство (25%), новите нарачки (30%), време за снабдување (15%), вработување (20%) и достапност на купените стоки ( 10%). „PMI“ е првиот економски индикатор за секој месец, дозволувајќи информации за променливите економски услови, значително порано од официјалната државна статистика.
Тој се претставува во износ од 1 до 100. Нивоа над 50 се споредуваат со позитивна прогноза за економски раст, а вредности под 50 поени укажуваат не толку оптимистичка прогноза. Истражувањето се спроведува од „Markit Economics“, а тоа е финалната вредност на показателот.
Одделни национални податоци има за Германија, Франција, Италија, Шпанија, Холандија, Австрија, Ирска и Грција, бидејќи на овие земји отпаѓаат 90% од производната активност во еврозоната.
Производствената активност во Италија паѓа до 52,2 поени во февруари од 53,2 поени во минатиот месец, откако не успеа да ги оправда пазарните очекувања за помал пад до 52,5 поени. Ова е најниска вредност од февруари 2015-та година.
Шпанскиот „PMI“ индекс достигнува 54,1 поени во февруари, што е намалување од 55,4 поени во јануари и под пазарните очекувања за 54,4 поени.
И во германскиот производствен сектор има забавување во февруари. „PMI“ индексот падна до 50,5 поени од 52,3 поени од претходниот месец. Ова е најниско ниво во последниве 15 месеци.
