Тринаесетиот Саем за градежништво, градежни материјали и градежна механизација и Саемот на недвижнини „Реалекспо“ ќе се одржат од 1-ви до 5-ти март на Скопски саем.
Според најавите од Скопски саем, на Саемот за градежништво ќе учествуваат 90 компании, додека на Саемот за недвижнини 20 компании.
Компаниите што ќе учествуваат на саемот најавуваат попусти на становите што ќе бидат купени за време на саемската манифестација.
Покровител на Саемот за градежништво е Министерството за финансии со проектите „Купи куќа, за млади“ и „Купи куќа, купи стан“.
Годинава, новина е што покрај градежни компании, компании за недвижнини и градежни материјали, ќе учествуваат и 14 општини кои ќе понудат државни парцели за изградба на куќи за проектот „Купи куќа за млади“.
Од Скопски саем очекуваат околу 15.000 посетители. Саемот ќе се одржува во три хали и ќе биде отворен од 10 до 19 часот.
