Берзанските индекси пораснаа втор ден по ред бидејќи инвеститорите ги охрабрија подобрите од очекувани економски податоци и растот на цената на нафтата.
Dow Jones зајакна 212 поени, или 1,29 отсто, на 16.697 поени, додека S&P 500 порасна 1,13 отсто, на 1.951 поен, а Nasdaq се намали 0,87 отсто, на 4.582 поени.
На вредноста вчера загубија сите 10 сектори од S&P 500 индексот, при што најмногу за 1,4 отсто, зајакна финансискиот сектор. Овој сектор е најголем губитник од почетокот на годината, со пад 12 отсто, а под притисок е поради ниските камати, забавениот раст на глобалната економија и изложеноста на многу банки во енергетскиот сектор.
Од друга страна, поддршка на енергетскиот сектор, но и на целата берза вчера пружи растот на цената на нафтата за 3 отсто со оглед дека инвеститорите се надеваат дека ќе дојде до договор за намалување на производството.
Подобрите од очекуваните податоци за нарачките за трајни производи ги ублажија стравувањата од позначително забавување на растот на американската економија.
Сепак, инвеститорите се внимателни, на што укажува потпросечниот обем на тргување.
И на европските берзи цените на акциите вчера пораснаа. Лондонски FTSE индекс зајакна 2,48 отсто, на 6.012 поени, додека франкфуртски DAX скокна за 1,79 отсто, на 9.331 поен, а париски CAC 2,24 отсто, на 4.248 поени.
