Организацијата на земјите извознички на нафта ОПЕК порача дека не планира да ги зголемува цените на нафтата, бидејќи смета дека нивното сегашно ниво е соодветно како за производителите, така и за потрошувачите.
– Не се залагаме за раст на цените, се залагаме за разумни цени за да може да се инвестира и кои се прифатливи и за производителите и за потрошувачите – рече генералниот секретар на ОПЕК Абдулах Ел Бадри на состанокот на нафташите во Париз.
Европската марка брент која се користи за одредување на цените на различни типови на странска нафта, во Лондон чинеше 107,36 долари за барел, додека тексашката сурова нафта за ориентациска испорака во мај, во електронското работење на Њујоршката берза се продаваше за 94,39 долари за барел.
