Британскиот премиер Дејвид Камерон во понеделник во британскиот парламент решително застана во одбрана на договорот постигнат во Брисел, за да се спречи излезот на Велика Британија од Европската унија(ЕУ), при тоа предупредувајќи дека „Brexit“ ќе ја загрози „економската и национална“ безбедност на земјата, додека вредноста на фунтата нагло паѓа.
„Излегувањето од Европа ќе ја загрози нашата економска и национална безбедност“, истакна конзервативниот премиер во говорот со кој требаше да ги увери евроскептиците во сопствената партија за оправданоста на договорот што во петок го постигна со европските партнери.
Британската фунта во понеделник падна наспроти доларот на најниското ниво во последните речиси седум години, на што придонесува и преминувањето на Борис Џонсон, харизматичниот конзервативен градоначалник на Лондон, кон приврзаниците на „brexit“.