Малопродажните цени на бензините се намалуваат за три денари од ноќеска на полноќ, додека цената на дизелот не се менува, а екстралесното поскапува за половина денар, одлучи денеска Регулаторната комисија за енергетика.
Согласно одлуката, новата дена еуросупер БС-95 изнесува 55 денари за литар, додека за еден литар еуросупер БС-98 треба да се одвојат 57 денари.
Цената на литар еуродизел останува 41 денар, додека на екстра лесното масло за домаќинство (ЕЛ-1) се зголемува на 30 денари.
Малопродажната цена на мазутот М-1 НС се намалува за 0,573 ден/кг и со тоа цената на М-1 НС изнесува 14,673 денари за еден килограм.
Просечната цена на сурова нафта на светскиот пазар во изминатиот 14-то дневен период изнесуваше 31,548 долари за барел и е за 1,65 отсто пониска од просечната цена на сурова нафта по која беа формирани тековните цени на нафтените деривати.
Курсот на денарот во однос на доларот во изминатиот 14-то дневен период изнесуваше 54,9908 е за 2,43 % понизок од курсот на доларот по кој беа формирани цените.
Референтните цени на нафтените деривати на светскиот пазар во споредба со изминатиот четиринаесетдневен период бележат намалување кај бензинот во просек за околу 11,55%, кај дизелот намалување во просек за околу 2,73% и кај мазутот намалување во просек за околу 4,21%.
