Околу 3,8 милијарди претплатници на мобилни телефони се регистрирани моментно во светот, што е за 5,3 отсто повеќе во споредба со истиот период лани, беше објавено денес на најголемиот собир на светската телеком и мобилна индустрија во Барселона.
Јубилејниот 30-ти „Mobile World Congress“ (MWC) собра рекорден број излагачи, близу 2.400 од 200 земји и над 95.000 професионалци-посетители, меѓу кои и околу 5.000 водечки луѓе на телеком компаниите, како што се China Mobile, Facebook, Intel, Telefonicа, Vodafone, Ericsson, Deutsche Telekom (DT) и други.
Покрај бројни стручни, иновативни и забавни содржини за време на конгресот ќе бидат одржани и десетици тематски панели.
Организаторите на MWC на првиот ден од конгресот објави дека во светот има над 3,8 милијарди мобилни претплатници, додека бројот на мобилни конекции е близу 7,7 милијарди, што е раст од 6 отсто.
MWC укажува на големото значење на мобилната индустрија за светската економија во која придонесува со над 13 милијарди вработени, а за глобалниот БДП со над три илјади милијарди американски долари.
Приходите на оваа индустрија на глобално ниво во 2015 година достигна над 1.000 милијарди долари, што е раст од два отсто во споредба со претходната година, а овој раст со слична динамика се очекува да продолжи до 2020 година.