Петтата генерација на кандидати за судии и јавни обвинители кои поминаа низ обуката во Академијата за судии и јавни обвинители „Павел Шатев“ во среда ќе ги добијат уверенијата.
Предвидено е на церемонија да се обрати директорката на Академијата за судии и јавни обвинители Анета Арнаудовска, претседател на Судскиот совет на Република Македонија, Бранко Ушковски, како и претседател на Советот на јавните обвинители на Република Македонија, Петар Аневски.
На свечената церемонија ќе присуствуваат претставници на правосудството во Република Македонија како и претставници на странски партнери со кои соработува Академијата.
