Владата во Атина во јануари регистрираше примарен буџетски суфицит од 1,193 милијарди евра, надминувајќи ја својата цел за 886 милиони евра.
Грција го надмина целниот примарен буџетски суфицит
Тој резултат е остварен поради пониските трошоци и поголемиот прилив на средства од фондовите на Европската унија, соопшти грчкото Министерство за финансии.
Од суфицитот на централната влада се исклучени буџетите на организациите за социјална заштита и локалната администрација, пренесува Ројтерс.
Целта на владата во Атина беше примарен буџетски суфицит од 307 милиони евра во јануари.
Даночните приходи во истиот период достигнаа 3,65 милијарди евра, што е во склад со целните 3,66 милијарди евра, наведува британската агенција.